آرٹیفیشل انٹیلیجنس یا مصنوعی ذہانت کو آپ اگر ایولوشن و کرییشن یا ارتقاء و تخلیق کے پیرائے سے دیکھتے ہیں اور اگر آپ وجود باری تعالیٰ کا یقین رکھتے ہیں اور اس پر ایمان لاتے ہیں اور اسکا اقرار کرتے ہیں تو آپ کو یہ بات معلوم ہونی چاہئے کہ آرٹیفیشل انٹیلیجنس صرف مصنوعی ذہانت نہیں بلکہ انسان کی بنائی ہوئی مشینی ذہانت ہے اور انسانی دماغ مصنوعی اور مخلوق ہے یہ کوئی بگ بینگ اور بوم بام کی تخلیق نہیں بلکہ خالق کائنات الله سبحانه وتعالی کی صنعت و کاریگری ہے کیا آپ نے کبھی سوچا ہے ایک چالیس فٹ کی طاقتور فولادی مشین کو چار سالہ ناسمجھ بچے کا دماغ مل جائے !اور جب وہ اپنی معصوم اور ننھی خواہشوں کے حصول کے لئے دنیا پامال کردے! کیا کبھی سوچا کہ نومولود بچہ چالیس سالہ مرد کی ذہانت لیکر پیدا ہو یا کبھی سوچا کہ زمین پر بسنے والے خونخوار درندوں کو انسانی ذہانت مل جائے ! جی ہاں میں شعور اور طاقت کے توازن کی بات کر رہا ہوں اس وقت آپ کو آنکھیں بند کر کے سوچ کے سمندر میں غوطہ زن ہونا ہوگا اس وقت آپ کو معصومیت کو شعور کے پیرائے میں دیکھنا ہوگا شعور اور طاقت میں توازن کی انسانی نشوونما سے بہتر مثال کونسی ہوسکتی ہے جوں جوں انسان پروان چڑہتا ہے اس کے بقدر شعور وعقل کی منزلیں طے کرتا ہے مشین میں نمو نہیں ہے ایسا نہیں ہے کہ ایک فٹ کا روبوٹ پیدا ہونے کے بعد پندرہ سال میں چھ فٹ کا ہوجائے مشین صنعت کے اگلے لمحے سے ہی شکست و ریخت کا شکار ہونے لگتی ہے مشین بائیو لوجیکل نہیں وہ اپنی توانائی کے حصول میں کرنٹ کی محتاج ہے مشین انڈے سے چوزہ نکلنے کی طرح نہیں ہے مشین میں اکثر معلومات سوچنے کا طریقہ کام کا لائحہ عمل انجیکٹ کیا جاتا ہے ھل من خالق غیر الله ؟